Yaponiya elchisi Qur’on o‘qib berdi

Yaponiyaning Saudiya Arabistoni podshohligidagi Favqulodda va muxtor elchisi Fumio Ivay Qur’oni karimni o‘rgangani sababini ma’lum qildi.

Elchi Fumio Ivay “Ya Hala” dasturidagi suhbatida: “Uzoq vaqt arab tilini o‘rganganim va arab dunyosida diplomatik faoliyat olib borayotganimdan so‘ng Qur’oni karimni tilovat qilishga harakat qildim, chunki Islom dini olamdagi insonlar hayoti uchun eng muhim asos sanaladi”, deb ta’kidladi.

Elchi janoblari Qur’oni karimning ba’zi suralari, jumladan, “Fotiha” surasini yod olganini aytdi. Dastur boshlovchisi so‘roviga binoan elchi Qur’ondan tilovat qilib berdi.