Baxtiyor Qudratullayevning sudidan reportaj

Jinoyat ishlari bo‘yicha Yunusobod tumani sudida «Baxti Tashkentskiy» nomi bilan tanilgan Baxtiyor Qudratullayev, uning o‘g‘illari, akasi — jami 37 kishiga nisbatan ochiq sud ishi davom etmoqda.

Xususan, 10-iyul kungi sud yig‘ilishida sudlanuvchilar ustidan sud tergovi yakunlanib, jarayon muzokara bosqichiga o‘tgan edi. Unda prokuror 44 ta epizod bo‘yicha ayblanayotgan Baxtiyor Qudratullayevga 20 yil ozodlikdan mahrum qilish jazosini tayinlash hamda uni o‘ta xavfli retsidivist, deb topishni so‘ragan edi. Bundan tashqari, davlat ayblovchisi boshqa sudlanuvchilarga ham turli jazo qo‘llashni aytgandi.

Sudning 15-iyul kungi taraflar muzokarasida advokatlar va sudlanuvchilarga so‘z berildi.

Baxtiyor Qudratullayevning advokatiga ko‘ra, “Baxti Tashkentskiy”ga qo‘yilgan 44 ta epizodning 13 tasi ayblovdan olib tashlangan. Advokat o‘z nutqida jinoyat ishiga dahldor turli holatlarni keltirib, ayblovda qo‘yilgan moddalarni qayta ko‘rib chiqishni hamda ularning ayrimlarini olib tashlashni so‘radi. Shundan so‘ng boshqa advokatlar ham so‘zga chiqdi.

Advokatlar nutqidan keyin sudlanuvchilar, xususan, Baxtiyor Qudratullayevga ham so‘z berildi.

Baxtiyor Qudratullayev nutqidan keyin boshqa sudlanuvchilar ham tinglandi. Ularning aksariyati aybiga qisman iqrorligini bildirib, suddan yengillik so‘radi. Ba’zi sudlanuvchilar esa o‘ziga qo‘yilgan ayblorvlarni rad etdi.

Sud tomonlarni eshitib bo‘lgach, hukm chiqarish uchun 19-iyulga qadar maslahatga kirdi.

Telegram – https://t.me/gazetauz_uzb
Facebook – / gazetauz
Instagram – / gazetauzbekistan
Twitter – / gazeta_uz