SSV: Toshkentda xalqaro androloglar ishtirokida anjuman o’tkazilmoqda

Poytaxtimizda tibbiyot xodimlarining kasbiy malakasini rivojlantirish markazi va Evropa tibbiyot universiteti hamkorligida andrologiyaning dolzarb masalalari muhokamasiga bag’ishlangan ilmiy-amaliy anjuman bo’lib o’tmoqda.

Unda mamlakatimiz mutaxassislari bilan birga, Rossiya, Turkiya, Gruziya, Qozog’iston, Qirg’iziston, Turkmaniston kabi davlatlardan onlayn va Offlayn formatda etakchi olimlar hamda ekspertlar ishtirok etyapti.

Qayd etilganidek, andrologiya — urologiyaning asosiy yo’nalishlaridan biri. Qolaversa, bu soha endokrinologiya, psixologiya, venerologiya bilan uzviy bog’liqlikda faoliyat ko’rsatadi.

Hozir yurtimizda urologik va Andrologik patologiyalarning etiologiyasi hamda patogenezini o’rganish masalasi alohida e’tiborda. Bu yo’nalishda ilg’or diagnostika va davolash usullari amaliyotga samarali tatbiq etilyapti.

Bundan tashqari, mamlakatimizda barcha androloglar yagona laborator standartlar bo’yicha ish olib bormoqda. Xirurgik va reproduktiv andrologiya yo’lga qo’yilgan. O’z navbatida, 2016 yildan buyon yurtimizda bu soha bo’yicha kadrlar tayyorlash mexanizmi amalda.

Anjumanda ta’kidlanganidek, urologik va Andrologik muammolarning ko’p jihatlari hali ham munozarali mavzu. Ayrim kasalliklarning patogenezi murakkab va ko’p faktorli hisoblanadi.

Shu sababli tibbiy amaliyotda bunday bemorlarning psixoterapevt, urolog, androlog, dermatolog, ginekolog, endokrinolog va boshqa mutaxassislarga yordam so’rab murojaat qilish holatlari ko’p kuzatiladi. Bu esa ushbu xastaliklarni davolashda turli yondashuvlar yuzaga kelishishiga olib keladi hamda muolaja jarayonini qiyinlashtiradi.

Anjuman ana shunday masalalarga echim topishga qaratilgani bilan ahamiyatlidir.

Sog’liqni saqlash vazirligi
Matbuot xizmati.