Dunyo eʼtirof etgan muazzam zaminda muhtasham maʼrifat maskani barpo etilibdi

#Videolar #Intervyu

“Dunyo eʼtirof etgan muazzam zaminda muhtasham maʼrifat maskani barpo etilibdi”

Dr Veysel HATUN – Firat universiteti Ilohiyot fakulteti diniy taʼlim kafedrasi dotsenti(Turkiya):

Movarounnahrning bebaho gavharlari boʻlmish Samarqand va Buxoroni faqat manbalar orqali bilardik. Bu yerga kelib, ularning boy tarixiy muhitini oʻz koʻzimiz bilan koʻrib, his etdik. Bu shaharlar mahobati haqiqatan ham zalvorli.

Bu muazzam zaminning naqadar ulugʻvorligini nafaqat biz, balki butun dunyo eʼtirof etadi. Masalan, yevropaliklar bu yerlarni “Sharqning Rimi” deb ataydi, musulmonlar esa “Qubbatul islom” (Islom qubbasi) sifatida ulugʻlaydi. Bunday eʼtirof bejiz emas, zero bu zamindan Imom Buxoriy, Ibn Sino, Forobiy, Alisher Navoiy, Umar Xayyom, Ulugʻbek kabi dunyo sivilizatsiyasiga beqiyos hissa qoʻshgan buyuk siymolar yetishib chiqqan.

Bugun zamonaviy va goʻzal qiyofa kasb etgan Imom Buxoriy xalqaro ilmiy-tadqiqot markazida turib, bunday muhtasham maʼrifat maskanining tashkil etilishiga bosh-qosh boʻlgan va hissa qoʻshgan barchaga, alohida fidokorligi uchun Oʻzbekiston Prezidentiga chin dildan tashakkur aytaman.

Katta rahmat, Alloh barchangizni oʻz panohida asrasin!

(TAS-IX) HD da:
bukhari.uz/

Yaqinlaringizga ulashing!