Poytaxt yoshlari va rahbarlar yuzma-yuz: Muammolarga amaliy yechim izlanmoqda

“Yoshlar kuni” doirasida poytaxtimizdagi INNO innovatsion ta’lim va ishlab chiqarish markazida yoshlar bilan ochiq muloqot tashkil etildi.

Ushbu tadbirda asosan tadbirkorlik qilish istagidagi yoshlar hamda startap loyiha egalari ishtirok etdi. Ochiq va samimiy ruhda o‘tgan uchrashuvda Toshkent shahar va Olmazor tumani hokimligi, IIBB, prokuratura, soliq organlari hamda Yoshlar ishlari agentligining shahar boshqarmasi mas’ullari qatnashdi.

Muloqot davomida yoshlar tomonidan ilgari surilgan yangi taklif va tashabbuslar tinglanib, ularni qiynayotgan masalalar atroflicha muhokama qilindi. Eng muhimi, ko‘tarilgan muammolarni tezkor va ijobiy hal etish yuzasidan mutasaddi tashkilotlarga aniq vazifalar belgilab berildi.

#YoshlarKuni