Tovuq go’shtidan qilingan sosiskalar

Masalliqlar:
500 gramm tovuq filesi
2 ta tuxum
1 bosh piyoz
50 millilitr sut
1 choy qoshiq tuz
ta’bga qarab qora murch
ta’bga qarab quritilgan qalampir (paprika)
ozroq to‘g’ralgan shivit
Qadam 1
Go’shtni go’shtqiymalagichdan chiqarib olamiz. Piyozni mayda to‘g’rab solamiz.

Yoki xohishga qarab piyozni avval nomiga qovurib olamiz va qiymaga solamiz. Shunda qiyma yanada sersuvroq bo’lib pishadi.

Qadam 2
Shivitni mayda to‘g’rab olamiz va qiymaga qo’shamiz. Shuningdek tuxum va sutni ham solib, yaxshilab aralashtirib olamiz. Tuz va murch sepamiz.

Qadam 3
Folga qog’ozdan uzunchoq lentalar kesib chiqamiz va qoshiq yordamida qiymadan solib, xuddi konfetni o’ragandek, folga qog’ozini ham shunday ko’rinishda buklab chiqamiz.

Qadam 4
Pech patnisiga pergament qog’oz to’shab, sosiskalarni terib chiqamiz. 180 C darajada qizigan pechda 30 daqiqa davomida pishirib olamiz.

Qadam 5

Pishgan sosiskalarni tovada ozroq qizartirib olsak, yanada ishtahaochar ko’rinishga ega bo’ladi.

Yoqimli ishtaha!