1 milliard so‘m mablag‘ mitti qalblar uchun yo‘naltirildi
1-iyun — “Xalqaro bolalarni himoya qilish kuni”da “Mohir fortepianochi” tanlovi g‘oliblari ishtirokida “Bolalar — bolalarga (https://t.me/yoshlaragentligi/16994)” nomli yirik xayriya konserti bo‘lib o‘tgan edi.
Kichik ijodkorlarning ulkan maqsad yo‘lidagi bu birlashuvi jamiyatimizdagi eng olijanob tashabbuslardan biriga aylanib, chinakamiga o‘z mevasini berdi. Quvonarlisi, ushbu konsert chiptalari sotuvidan jami 1 milliard so‘m mablag‘ yig‘ildi.
Ushbu yig‘ilgan barcha mablag‘lar og‘ir xastalik bilan mardona kurashayotgan bolajonlarning davolanishiga ko‘maklashish va ularning hayotini saqlab qolish maqsadida Bolalar onkologiyasi, gematologiyasi va immunologiyasi ilmiy-amaliy tibbiyot markaziga to‘liq o‘tkazib berildi.
Ushbu xayrli ishga o‘z hissasini qo‘shgan barcha yurtdoshlarimizga chuqur minnatdorlik bildiramiz!