IMOM BUXORIY MARKAZI BUTUN ISLOM UMMATI UCHUN ILMIY MARKAZGA AYLANISHIGA ISHONAMIZ

#bukhariuz #Videolar #Intervyu #Buxoriyga_ehtirom

IMOM BUXORIY MARKAZI BUTUN ISLOM UMMATI UCHUN ILMIY MARKAZGA AYLANISHIGA ISHONAMIZ

Avvalo, bizni iliq mehmondoʻstlik bilan kutib olgani va ushbu xalqaro anjumanni yuksak saviyada tashkil etgani uchun Oʻzbekiston hukumati va xalqiga chuqur minnatdorlik bildiramiz.

Bu bizning Oʻzbekistonga ilk kelishimiz. Bagʻdoddan ushbu xalqaro konferensiyada ishtirok etish uchun kelgan ilk rasmiy delegatsiya ham biz boʻldik.

Biz Toshkent, Samarqand va yurtingizdagi boshqa shaharlarning boy tarixi va buyuk allomalarini kitoblar bilar edik. Ammo bu goʻzal yurtni oʻz koʻzimiz bilan koʻrib, unga mehrimiz yanada joʻshdi.

Biz obod va taraqqiy etgan shaharlarni, ilm ahliga hurmat koʻrsatadigan, diniy-maʼnaviy va tarixiy merosini qadrlaydigan xalqni koʻrdik. Shuningdek, musulmonlar tarixini tiklash va dunyoga tanitish ishiga davlat tomonidan katta eʼtibor va dastak berilayotganiga guvoh boʻldik.

Ayniqsa, Imom Buxoriy xalqaro ilmiy-tadqiqot markazi olib borayotgan ezgu va ulkan ilmiy faoliyat tahsinga loyiq.

Inshoalloh, ushbu Markaz nafaqat Oʻzbekistonga, balki butun islom ummatiga xizmat qiladigan nufuzli xalqaro ilmiy maskanga aylanadi. Hozirning oʻzida shunday. Bu yerda Rasululloh sollallohu alayhi vasallam sunnatlarini himoya qiladigan ishonchli ilmiy tadqiqotlar va fundamental asarlar yaratilib, butun musulmon olamidagi ilm talabalariga xizmat qiladi.

Kelgusida Iroq bilan Oʻzbekiston oʻrtasida keng qamrovli ilmiy hamkorlik kelishuvlari imzolanishidan umidvormiz.

Maʼlumki, Bagʻdod asrlar davomida islom ilmining yirik markazlaridan boʻlgan. Buyuk allomalarning koʻpchiligi shu zaminda voyaga yetgan. Imom Ahmad ibn Hanbalning “Bagʻdodni koʻrmaganning ilmi mukammal boʻlmaydi” degan mashhur hikmatli soʻzlari buning yaqqol dalilidir.

Inshoalloh, biz yagona islomiy oila sifatida oʻzaro bir-birimizni toʻldirib, barcha sohalarda hamkorlik qilishga tayyormiz. Oʻzbekistonda amalga oshirilayotgan ulkan ilmiy loyihalarga hukumat tomonidan koʻrsatilayotgan yuksak eʼtibor va masʼuliyatlilikni koʻrib, hamkorlik istiqboli porloq ekaniga katta ishonch hosil qildik.

Yana bir bor Oʻzbekiston rahbariyati, hukumati va aziz xalqiga samimiy minnatdorlik bildiramiz.

Barchangizga chin qalbdan tashakkur!

(TAS-IX) HD da:
bukhari.uz/

Yaqinlaringizga ulashing!