OʻZBEKISTON-INDONEZIYA HAMKORLIGI: UNUTILMAS SAFAR VA YANGI ILMIY LOYIHALAR SARI

#Videolar #Intervyu

OʻZBEKISTON-INDONEZIYA HAMKORLIGI: UNUTILMAS SAFAR VA YANGI ILMIY LOYIHALAR SARI

Hj. Khoirun Nisaʻ, M.S.I. – Purvorejadagi An-Navaviy islom instituti rektori(Indoneziya)

IAI Andawawi Purworejo institutimiz Indoneziyaning Markaziy Yava hududidagi kichik shaharchada joylashgan. Unda toʻrtta fakultet va yettita taʼlim yoʻnalishi mavjud.

Biz ilmiy tadqiqot sohasida hamkorlikni yoʻlga qoʻyish, talabalar uchun stipendiya dasturlari ochish va oʻzaro munosabatlar toʻgʻrisida memorandum imzolashni niyat qilganmiz.

Oʻzbekistonga birinchi kelishim. Mamlakatingizdagi har bir joy oʻzining betakror goʻzalligi va tarovati bilan kishini hayratga soladi. Bu yurtga kelishni barchaga tavsiya qilgan boʻlardim. Negaki, oʻzim kelib turganimdan benihoya xursandman. Oʻzbekiston xalqi nihoyatda mehmondoʻst va samimiy ekan.

Ayniqsa, Imom Buxoriy xalqaro ilmiy-tadqiqot markazining ziyorati kutganimdan ham ziyoda taassurot qoldirdi. Bu yerda rahbariyat va ilmiy xodimlar koʻrsatgan eʼtibor va ehtiromdan juda mamnun boʻldik.

Safarimiz biz uchun unutilmas xotira boʻlib qoladi. Oʻylaymanki, bunday uchrashuvlar Indoneziya bilan Oʻzbekiston oʻrtasidagi munosabatlarni yanada mustahkamlashga xizmat qiladi.

Yurtingizga safar asnosida boshqa oʻlkalardagi oliy taʼlim va ilmiy tadqiqot muassasalari rahbarlari bilan ham doʻstlashib oldik. Barchasi Oʻzbekiston bilan hamkorlik qilishga qiziqish bildirmoqda.

«Sahihul Buxoriy» dunyodagi koʻplab mamlakatlarda keng oʻrganiladi. Imom Buxoriy merosini tadqiq va targʻib qilish borasidagi hamkorlik, shubhasiz, juda katta ahamiyatga ega. Buning foydasi nihoyatda ulkan, taʼsiri esa bardavom boʻladi.

Menimcha, bunday hamkorlik nafaqat ikki mamlakat, balki butun insoniyat uchun manfaatlidir.

(TAS-IX) HD da:
bukhari.uz/

Yaqinlaringizga ulashing!