Andijonda yangi volontyorlar jamoasi shakllantirildi

“Yoshlar kuni” doirasida Andijon viloyatida yoshlarning ijtimoiy faolligini oshirish hamda ezgu tashabbuslarini birlashtirish maqsadida “Rahbar va volontyorlar” uchrashuvi tashkil etildi.

Ochiq va samimiy ruhda o‘tgan muloqotda viloyat mas’ullari ko‘ngilli yoshlar bilan yuzma-yuz suhbatlashib, ularning o‘ziga xos taklif hamda loyihalarini tingladilar.

Uchrashuv yakunida viloyat volontyorlar jamoasi tuzilib, har bir yo‘nalish bo‘yicha maxsus koordinatorlar tayinlandi. Ular o‘z faoliyatini kichik yoshdagi maktab o‘quvchilarining yo‘llarda xavfsiz harakatlanishini ta’minlashga qaratilgan ajoyib tashabbusni amalga oshirishdan boshlashmoqchi.