MARKAZINGIZNING BOY MANBALAR XAZINASINI DUNYOGA TANITISH VAQTI KELDI
- imambukhari
- Имом Бухорий халқаро илмий-тадқиқот маркази
- 19 подписчиков
- 2 462 ролика
- 28 481 просмотр
#Videolar #Intervyu
“MARKAZINGIZNING BOY MANBALAR XAZINASINI DUNYOGA TANITISH VAQTI KELDI”
Dr. Abdulgʻaffor ibn Ismoil – Malayziya xalqaro islom universiteti professori
Bu mening Oʻzbekistonga toʻrtinchi kelishimdir. Ilk bor 1998-yilda Toshkent davlat texnika universitetida biznes dasturi boʻyicha maʼruza qilgani kelgandim. Bugun esa Islom sivilizatsiyasi forumida ishtirok etyapman. Ushbu anjuman “islom sivilizatsiyasi” mavzusining mintaqa uchun qanchalik muhimligini koʻrsatadi. Men ushbu mavzuni oʻz soham – islom iqtisodiyoti bilan bogʻlamoqchiman.
Albatta, biz Movarounnahr olimlari va ulamolaridan, ayniqsa, Imom Buxoriydan koʻp narsa oʻrganamiz. Uning hadislar toʻplami manba sifatida islom iqtisodiyotining ahamiyatini ham yaqqol koʻrsatib beradi. Bugungi kunda ushbu tamoyillar butun dunyoda – halol iqtisodiyot, islom moliyasi va umuman islom iqtisodiyoti yoʻnalishlarida keng qoʻllanmoqda.
Yaqinda Amerika Iqtisodiyot Assotsiatsiyasi (AEA) ham islom iqtisodiyotini mustaqil fan va yoʻnalish sifatida eʼtirof etdi. Demak, hozir Imom Buxoriy kabi buyuk ajdodlar qoldirgan merosga qaytish va uning hadislar toʻplamidagi bilimlarni islom iqtisodiyoti bilan bogʻlab oʻrganishning ayni vaqtidir.
Mening maqsadim – Oʻzbekiston va Malayziya olimlari, shuningdek, dunyodagi boshqa tadqiqotchilar bilan yaqindan hamkorlik qilish. Biz Imom Buxoriy toʻplagan boy ilmiy merosni chuqurroq tadqiq etib, undagi iqtisodiy bilimlarni bugungi davr bilan bogʻlashimiz lozim.
Shuningdek, Imom Buxoriy xalqaro ilmiy-tadqiqot markazi boy manbalar xazinasiga ega ekaniga guvoh boʻldim. Fikrimcha, bu yerdagi nodir toʻplamlarni butun dunyoga tanitishning vaqti allaqachon kelgan. Bu manbalar nafaqat akademik tadqiqot bilan mashgʻul olimlar, balki soha amaliyotchilari va sanoat vakillari uchun ham juda manfaatlidir. Bu bilimlar insoniyat hayotiga, sanoat va iqtisodiyot rivojiga hamda siyosatchilar va qaror qabul qiluvchilar faoliyati uchun juda foydali boʻlishi aniq.
(TAS-IX) HD da:
bukhari.uz/
Yaqinlaringizga ulashing!