Мен қонунман

Ўзбекистон Республикаси Адлия вазирлиги ҳамда Ўзбекистон ёшлар иттифоқи янги ижтимоий роликни тақдим этади. Қонун ҳамма учун, ҳар вақт баробар ва устувор эканини яна бир бор ёдга солувчи мазкур ролик Ёш киноижодкорлар кенгаши ва Кинематографияни ривожлантириш маркази томонидан суратга олинган.

Ролик режиссёри Ўзбекистон ёшлар иттифоқининг “Йилнинг энг яхши ёш кино режиссёри” мукофоти ҳамда “PROlogue – 2017” фестивали бош соврини соҳиби, Ёш киноижодкорлар кенгаши аъзоси Мухлиса Азизова.