Hududlarda “Yosh kitobxon” tanlovining qizg‘in bahslari davom etmoqda

Ayni kunlarda respublikamizning barcha tuman va shaharlarida yoshlar o‘rtasida eng ommabop loyihalardan biri — “Yosh kitobxon” tanlovining mahalliy bosqichlari bo‘lib o‘tdi.

Unda minglab yoshlar “Badiiy asar bilimdoni” va “Tezkor savol-javob” shartlari bo‘yicha o‘z bilimlarini sinovdan o‘tkazishdi.

Xususan, Andijon viloyati Marhamat tumanida o‘tgan tanlovining tuman bosqichi chinakam ma’noda kitobsevarlar bayramiga aylandi.

Unda 3 ta yosh toifasidagi 36 nafar ishtirokchi g‘oliblik uchun bahs olib bordi. Ishtirokchilar nafaqat asarlarni o‘qiganliklari, balki ularni qanchalik chuqur tahlil qila olishlari bilan ham hakamlarni hayratda qoldirishdi.