SAMARQANDDA BOY TARIXIY XOTIRA VA YUKSAK ILMIY MUHITNI KOʻRDIM

#Videolar #Intervyu

“SAMARQANDDA BOY TARIXIY XOTIRA VA YUKSAK ILMIY MUHITNI KOʻRDIM”

Amir Husayn SOBITIY – Eron Islom Respublikasi Islom shoʻrosi majlisi (parlament) vakili, Madaniyat komissiyasi aʼzosi

Oʻzbekiston va Samarqandning boy tarixiy qadamjolari menda ulkan taassurot qoldirdi. Ayniqsa, islom dunyosining buyuk allomasi Imom Buxoriy majmuasining qayta barpo etilgani, bu yerda ham ilmiy-tadqiqot, ham maʼrifiy turizm uchun zamonaviy muhit yaratilgani tahsinga loyiq.

Bugun muzey ekspozitsiyasi bilan tanishib, mintaqamiz tarixida maʼrifat, kitobat va ilm-fan nechogʻli yuksak qadrlanganiga yana bir bor amin boʻldim. Sharq va islom olami vakillari asrlar davomida jahon sivilizatsiyasi va umuminsoniy ilm-fan xazinasiga beqiyos hissa qoʻshib kelgan.

Bugungi kunda barchamiz – turli madaniyat va yoʻnalish vakillari – oʻtmishdagi ana shu boy maʼnaviy va ilmiy tajribadan kuch va ilhom olib, oʻzaro muloqotni mustahkamlashimiz lozim. Jahon ilm-fani poydevorida turgan ushbu yaratuvchanlik va maʼrifat ruhini qayta tiklash, uni kelajak avlodlarga va dunyo jamoatchiligiga yetkazish barchamizning mushtarak maqsadimizdir.

(TAS-IX) HD da:
bukhari.uz/

Yaqinlaringizga ulashing!