MOVAROUNNAHR – ISLOM SIVILIZATSIYASINING METODOLOGIK OʻZAGI

#Videolar #Intervyu

“MOVAROUNNAHR – ISLOM SIVILIZATSIYASINING METODOLOGIK OʻZAGI”

Dr. Sayyid Muhammad MUHSIN – Malayziya Xalqaro islom universiteti Fiqh va usulul-fiqh kafedrasi mudiri, dotsent (Malayziya)

Bismillahir Rohmanir Rohim.
Olamlar Rabbi Allohga hamdu sanolar, Paygʻambarimiz Muhammad Mustafo sollallohu alayhi vasallamga salavotu salomlar boʻlsin!
Alhamdulillah, ikki kun davom etgan xalqaro konferensiyada ishtirok etganimdan gʻoyat mamnunman. Movarounnahr – shunchaki geografik hudud emas, balki islom ilm-fanini qatʼiy metodologiya, fanlararo izchillik va ratsional tahlil asosida yuksaltirgan buyuk tamaddun markazidir.
Anjumanning asosiy maqsadi ham Ibn Sino, Xorazmiy, Imom Buxoriy va Imom Termiziy kabi daholar qoldirgan ilmiy merosni bugungi kun uchun qayta jonlantirishdan iborat boʻldi. Taʼkidlash joizki, Movarounnahr maktabi shakllantirgan ilmiy metodlar transchegaraviy xususiyatga ega. Masalan, men oʻz maʼruzamda ushbu metodologiyaning Hindiston subkontinenti, xususan, Hindiston janubidagi ilmiy muhitga koʻrsatgan kuchli taʼsirini tahlil qildim.
Imom Buxoriy xalqaro ilmiy-tadqiqot markazi bilan Malayziya Xalqaro islom universiteti oʻrtasidagi hamkorlik aloqalari izchil rivojlanmoqda. Bugungi anjuman aynan shunday ilmiy kooperatsiyaning yorqin amaliy samarasidir.
Oʻzbekiston boʻylab sayohatim davomida Toshkentdagi Islom sivilizatsiyasi markazi, Buxoro va Samarqandning boy meʼmoriy merosi meni hayratga soldi. Ajdodlari Buxorodan boʻlgan inson sifatida bu zamin bilan maʼnaviy va tarixiy rishtalarim borligidan faxrlanaman.
Ishonamanki, tarixi boy va xalqi mehmondoʻst Oʻzbekiston kelajakda ham islom olami va jahon sivilizatsiyasi uchun maʼrifat mayogʻi boʻlib qolaveradi. Alloh taolo ushbu ezgu intilishlarimizni barakotli qilsin.

(TAS-IX) HD da:
bukhari.uz/

Yaqinlaringizga ulashing!
️https://t.me/joinchat/QbkU7g8U6fc9nL35
🫥https://taplink.cc/bukhariuz