OʻZBEKISTONDA ILMIY MEROS BILAN BEVOSITA TANISHISH BEQIYOS TAJRIBA BOʻLDI

#bukhariuz #Videolar #Intervyu #Stipendiat

“OʻZBEKISTONDA ILMIY MEROS BILAN BEVOSITA TANISHISH BEQIYOS TAJRIBA BOʻLDI”

MUSTAFO ALAGOʻZOʻGʻLI – Imom Buxoriy xalqaro stipendiya dasturi sovrindori, Dijla universiteti ilohiyot fakulteti doktoranti (Turkiya):

Bugun Imom Buxoriy xalqaro ilmiy-tadqiqot markazidagi amaliyotimiz yakuniga yetdi. Fursatdan foydalanib, taassurotlarim bilan qisqacha oʻrtoqlashmoqchiman.

Ilmiy ishim Hoji Muhammad Parsoning «Fusulis sitta» asarini oʻrganishga bagʻishlangan. Bu yerda mavzuga oid alohida maqola tayyorlashga, Markaz fondida saqlanayotgan qoʻlyozma nusxalarni tadqiq etishga muyassar boʻldim.

Hoji Muhammad Parso yashagan zaminda uning hayoti va ilmiy merosini oʻrganish katta nasiba boʻldi. Shuningdek, Imom Nasafiyning “Al-Qand fi ulamoi Samarqand” asarida zikr etilgan Samarqand ulamolari yashagan joylarni koʻrish, ularning qadami tekkan maskanlarni ziyorat qilish, buyuk allomalar yashagan muhitni his etish biz uchun unutilmas tajriba boʻlib qoladi.

Bundan tashqari, madaniy jihatdan ham katta tajriba orttirdik. Oʻzbekistonda Imom Buxoriy, Imom Termiziy, Imom Moturidiy va Bahouddin Naqshband ilmiy-tadqiqot markazlari kabi nufuzli muassasalar faoliyat yuritmoqda. Bu markazlarda juda salmoqli ilmiy ishlar amalga oshirilayotganiga guvoh boʻldik.

Bu yerga kelib amaliyot oʻtash, Imom Buxoriy hazratlarining qoʻshnisi boʻlishni istaganlar bunday imkoniyatni qoʻldan chiqarmasligi kerak. Ayniqsa, kalom ilmi, hadis, tasavvuf va fiqh sohalarida faoliyat yuritayotgan olim va tadqiqotchilar ushbu markazlar bilan hamkorlik qilishi muhim va oʻta foydali, deb hisoblayman.

Shu munosabat bilan Imom Buxoriy xalqaro ilmiy-tadqiqot markazi direktori Shovosil Ziyodovga, bizga har doim yordam bergan barcha xodimlarga samimiy minnatdorlik bildiraman.

Oʻzbekiston bilan Turkiya oʻrtasida ilm-maʼrifat sohasidagi hamkorlik yanada rivojlanishiga, ikki tomon bir-biridan foydalanib, bilimlarini oʻzaro boyitishi va tajriba almashishi bardavom boʻlishiga ishonaman. Turkiyadagi barcha tadqiqotchilarga yuzlanib aytamanki, Oʻzbekiston endi biz uchun uzoq bir yurt emas. Bu – ajdodlarimizning zamini. Bu yerdan ilm olish va bu ilmni boyitishga oʻz hissamizni qoʻshish har bir tadqiqotchi uchun muhim imkoniyatdir.

(TAS-IX) HD da:
bukhari.uz/

Yaqinlaringizga ulashing!