Imom Buxoriy merosi nafaqat hadis, balki tabiiy fanlarning ham muhim manbaidir

#Videolar #Intervyu

“Imom Buxoriy merosi nafaqat hadis, balki tabiiy fanlarning ham muhim manbaidir”

Muhammad Yusuf CHUDLORI – “Asrama Perguruan Islam (API) Tegalrejo” diniy taʼlim muassasasi rahbari (Indoneziya):

Bismillahir rohmanir rohim

Assalomu alaykum va rahmatullohi va barakotuh!

Dunyo ilm-fanining bebaho gavhari boʻlmish Oʻzbekistonga, xususan, Samarqandga ziyorat va samimiy muloqot maqsadida kelganimdan, Imom Buxoriy maqbarasini ziyorat qilish nasib etganidan behad mamnunman.

Hadis ilmi sultonining merosini asrab-avaylash va tadqiq etish borasidagi xayrli faoliyati uchun Imom Buxoriy xalqaro ilmiy-tadqiqot markaziga chuqur minnatdorlik bildiraman. Ushbu boy tarixiy meros islom dunyosi yoshlari, tolibi ilm va ayniqsa, diniy maktab (madrasa) talabalari uchun katta ilhom manbai boʻlib, ularni Imom Buxoriy ilmini oʻrganish va dunyoga targʻib qilishga undaydi.

Boy ilmiy anʼanalarni asrab-avaylab kelayotgani uchun Oʻzbekiston davlatiga tashakkur aytaman. Ushbu muqaddas va tabarruk zaminni oʻz koʻzimiz bilan koʻrish biz uchun ulkan sharafdir.

Indoneziyalik talabalar va musulmon jamoatchiligining Oʻzbekistonga ziyorati koʻpayishini tilayman. Bu ularning ilm olish yoʻlidagi ishtiyoq va shijoatini yanada oshiradi. Zero, Imom Buxoriy merosi nafaqat hadisshunoslik, balki matematika, tibbiyot va boshqa sohalar rivoji uchun ham boy manba boʻlib xizmat qiladi.

(TAS-IX) HD da:
bukhari.uz/

Yaqinlaringizga ulashing!