Yakkasaroyda uysiz qolgan oila taqdiri mavhumligicha qolmoqda

Yakkasaroy tumani hokimi Nilufar Allaberganova rahbarlik qilayotgan tumanda bir oila uysiz qoldirilgan. Sud hukmi roʻkach qilinib, oilaning yashab turgan xonadoni buzib tashlangan. Oila boshi esa kasallik sabab toʻshakka mixlangan. Oila bekasi boʻy yetgan qizlariga qoʻshilib adolat uchun kurashishga bel bogʻlagan. Oila aʼzolari uchun qalqon boʻlmoqda. Yakkasaroy hokimi esa bu ishlarga negadir beparvo. U davlat rahbari kabi xalqqa yelkadosh boʻlishni, uyi buzib tashlangan fuqaroga suyanch boʻlishni unutgandek, goʻyo. Bir oilaning chirqirayotganini koʻrsada, koʻrmaslikka, bilsada, bilmaslikka olayotgandek nazarimizda.