OʻZBEKISTONDA ASL ILMLAR QAYTA TIKLANAYOTGANI VA YUKSALAYOTGANI KISHINI QUVONTIRADI

#Videolar #Intervyu

“OʻZBEKISTONDA ASL ILMLAR QAYTA TIKLANAYOTGANI VA YUKSALAYOTGANI KISHINI QUVONTIRADI”

Mahfuj AHMAD – Muhammad ibn Muhammad Avvoma Madaniy nomidagi hadis ilmi kolleji oʻqituvchisi (Buyuk Britaniya)

Bu goʻzal yurtga – Oʻzbekistonga ikkinchi marta kelishim. Uch yil oldin kelganimda bu oʻlkani qayta ziyorat qilish ishtiyoqi paydo boʻlgandi. Chunki oʻshandayoq Oʻzbekistonda diniy qadriyatlar, tarixiy-maʼnaviy meros, hadis, fiqh va aqida ilmlari qayta tiklanayotgani va yuksalayotganiga guvoh boʻluvdim va bu meni juda quvontirib, oʻzbek xalqining oʻzligiga qaytishiga, hayotida maʼrifat taomilini qayta tiklashiga xizmat qilayotgan ilmiy markazlar, maktablar va diniy muassasalar faoliyati menda katta taassurot qoldirgandi.

Bu gal toʻgʻridan-toʻgʻri Samarqandga, Imom Buxoriy xalqaro ilmiy-tadqiqot markaziga taklif qilindim. Ushbu Markaz, uning faoliyati, ilmiy va maʼrifiy dasturlari haqida juda koʻp eshitgan edim. Shaxsan kelib, bularning barchasini koʻzim bilan koʻrib, gʻoyat mamnun boʻldim.

Oldingi gal Imom Buxoriy majmuasini ziyorat qilish imkoni boʻlmagandi, sababi – keng koʻlamli qurilish va bunyodkorlik ishlari ketayotgan edi. Alhamdulillah, bugun bu qutlugʻ maskanni ziyorat qilib, juda baxtiyor boʻldim.
Ezgu va ulugʻ ishlarga bosh-qosh boʻlayotgan Oʻzbekiston Prezidentiga hamda ushbu maʼrifiy ishlarga fidokorona mehnati bilan hissa qoʻshayotgan barchaga minnatdorlik bildiraman. Ishonamanki, bu xayrli ishlar nafaqat oʻzbek xalqiga, balki butun dunyoga baraka keltiradi.

(TAS-IX) HD da:
bukhari.uz/

Yaqinlaringizga ulashing!