Poytaxtimizda transplantasiya hamda hujayra terapiyasining dolzarb masalalariga bag’ishlangan xalqaro ilmiy-amaliy anjuman o’tkazilmoqda

Sog’liqni saqlash vazirligi hamda Respublika ixtisoslashtirilgan gematologiya ilmiy-amaliy tibbiyot markazi hamkorligida tashkil etilgan bu tadbirda AQSh, Rossiya, Turkiya, Eron, Hindiston, Belarus, Qozog’iston, Ozarbayjon va Gruziya davlatlaridan kelgan mutaxassislar qatnashmoqda.

Konferentsiya doirasida O’zbekiston tibbiyotining mazkur yo’nalishda erishgan yutuqlari, bu boradagi xalqaro tajriba va hamkorlik istiqbollari ko’rib chiqilishi rejalashtirilgan.

SSV matbuot xizmati tomonidan tayyorlangan shu haqdagi videolavha bilan yaqin vaqtlarda tanishasiz.

Sog’liqni saqlash vazirligi
Matbuot xizmati.