Abu Ali ibn Sino: Sharq gavhari – jahon merosi mavzusidagi xalqaro anjuman davom etmoqda

Tadbir doirasida farmasevtika sohasini rivojlantirish, aholining xavfsiz hamda sifatli dori vositalariga bo’lgan ehtiyojini ta’minlash yo’nalishida fidoyilik ko’rsatgan bir guruh mutaxassislarga «O’zbekiston Respublikasi sog’liqni saqlash a’lochisi» ko’krak nishoni topshirildi.

Shuningdek, konferentsiya davomida yurtimizda bu sohani rivojlantirish maqsadida qator nufuzli tashkilotlar bilan istiqbolli kelishuvlarga erishildi.

Jumladan, Farmasevtika mahsulotlari xavfsizligi markazi Qozog’iston dori vositalari va tibbiy buyumlar ekspertizasi milliy markazi hamda Qirg’iziston Sog’liqni saqlash vazirligi huzuridagi dori vositalari va tibbiy buyumlar departamenti bilan anglashuv memorandumlarini imzoladi.

Bundan tashqari, AQSh farmakopeyasi (USP) bilan tartibga solish organlari uchun uning imkoniyatlaridan imtiyozli foydalanish dasturiga qo’l qo’yildi.

Sog’liqni saqlash vazirligi
Matbuot xizmati.