O’zbekiston va Xitoy tibbiyot sohasida ham mustahkam hamkorlik aloqalariga ega

O’zbekiston va Xitoy tibbiyot sohasida ham mustahkam hamkorlik aloqalariga ega. Xususan, ikki davlat oftalmologlari eng ilg’or diagnostika va davolash usullari bo’yicha tez-tez tajriba almashib, qo’shma operasiyalar o’tkazib kelmoqda.

Shu kunlarda Respublika ixtisoslashtirilgan ko’z mikroxirurgiyasi ilmiy-amaliy tibbiyot markazi mutaxassislari xitoylik hamkasblari bilan birgalikda yurtimizda ijtimoiy himoyaga muhtoj va ko’z kataraktasidan aziyat chekayotgan bemorlarda yuqori texnologiyali operasiyalarni amalga oshirishga bag’ishlangan muruvvat aktsiyasini o’tkazishmoqda.

Bu yil ezgu tashabbus doirasida mamlakatimizning 3 ta hududida ijtimoiy himoyaga muhtoj 600 nafardan ortiq bemorlarning ko’rish qobiliyati tiklanadi. Ayni paytda aktsiya Qo’qon va qarshi shahrida o’tkazilmoqda.

SSV matbuot xizmatining ushbu jarayondan tayyorlagan videolavhasi yaqin vaqtlarda e’lon qilinadi.

Sog’liqni saqlash vazirligi
Matbuot xizmati.