Oʻzbekiston – 2030” strategiyasi Polshada keng jamoatchilikka taqdimot qilindi

Polshaning Torun shahrida “Oʻzgarib borayotgan dunyoda noaniq kelajakni shakllantirish: geosiyosiy bogʻliqliklar” mavzusida XIII Xalqaro Osiyo Kongressi boʻlib oʻtdi. Unda “Taraqqiyot strategiyasi” markazi ijrochi direktori Eldor Tulyakov boshchiligidagi Oʻzbekiston delegatsiyasi “faxriy mehmon” sifatida ishtirok etdi.

Kongressda Oʻzbekiston, Xitoy, Saudiya Arabistoni, Eron, Malayziya, Filippin, Indoneziya, Turkiya, Ozarbayjon kabi 30 dan ortiq mamlakatdan diplomatlar, ekspertlar, olimlar, tadbirkorlar va davlat idoralari vakillari qatnashdi.

Tadbir doirasida “Taraqqiyot strategiyasi” markazi ijrochi direktori Eldor Tulyakov “Yangi Oʻzbekistonning iqtisodiy va investitsiyaviy oʻsishining tarkibiy transformatsiyasi” mavzusida chiqish qildi. Unda mamlakatda amalga oshirilayotgan islohotlar, yangilangan “Oʻzbekiston – 2030” strategiyasining ustuvor yoʻnalishlari, iqtisodiyotni liberallashtirish, aholi turmush darajasini oshirish hamda mamlakatda shakllantirilayotgan qulay investitsiya muhiti haqida batafsil maʼlumot berildi.