Yilning eng yaxshi otasi

Uelsda sakkiz yoshdan kichik bolalar jamoalari o‘rtasidagi futbol o‘yinida ota o‘zining darvozabon o‘g‘li gol o‘tkazib yubormasligi uchun unga yordam berishga harakat qilib ko‘rdi. Ayni vaqtda u o‘yinga aralashgani yo‘q, shunchaki o‘g‘lini to‘p yo‘liga to‘g‘anoq bo‘ladigan qilib turtib yubordi. Birinchi hujum shu yo‘l bilan qaytarilgan bo‘lsa-da, raqib jamoa ikkinchi urinishda baribir gol urdi.

Ijtimoiy tarmoq otaning bu g‘amxo‘rligini olqishlamoqda. Uni hatto “Yilning eng yaxshi otasi” deb e’lon qilganlar ham bor.