SAMARQAND – ISLOM ILMLARI VA MADANIYATINING MARKAZI

#Videolar #Intervyu

“SAMARQAND – ISLOM ILMLARI VA MADANIYATINING MARKAZI”

Dr. Yildiray KAPLAN – Turkiya Prezidenti huzuridagi Din (Diyonat) ishlari boshqarmasi masʼul xodimi

Samarqand – islom ilmlarining asosiy yoʻnalishlarida maktab yaratgan allomalarni voyaga yetkazgan buyuk shahar.

Tarixga nazar tashlasak:
Kalom ilmida – Imom Abu Mansur Moturidiy;
Tafsirda – Imom Nasafiy;
Tasavvufda – Xoʻja Ubaydulloh Ahror va Shohi Naqshband kabi ulugʻ pirlar;
Fiqhda – “Al-Hidoya” asari Imom Margʻinoniy;

Hadis ilmida esa – butun islom olami “Amirul moʻminiyn fil hadis” (Hadis ilmida moʻminlarning amiri) deb tan olgan Imom Buxoriy va Imom Dorimiy aynan shu makon bilan bogʻliqdir.

Bu zaminda nafaqat buyuk ilmiy meros, balki insonni lol qoldiradigan yuksak madaniyat, meʼmorlik va sanʼat anʼanalari ham mujassam. Qisqa vaqt ichida Samarqanddagi tarixiy madrasalar, masjidlar, Amir Temurning suyukli rafiqasi (Bibixonim) nomi bilan bogʻliq obidalarni ziyorat qilib, ulugʻvor bir sivilizatsiya poydevoriga guvoh boʻldik. Ayniqsa, Shohi Zinda majmuasida Paygʻambarimiz sollallohu alayhi vasallamning amakivachchalari Qusam ibn Abbos roziyallohu anhuning qabrini ziyorat qilish qalbimizga cheksiz surur bagʻishladi.

Fursatdan foydalanib, bir muhim faktni taʼkidlashni istardim. Boshqarmamiz ilk bor Qurʼoni karim maʼnolarining oʻzbek tilidagi tarjimasini chop etdi. Bu – oʻzbek xalqining ulugʻ olimi, marhum shayx Muhammad Sodiq Muhammad Yusuf hazratlari qalamiga mansub tarjima. Ushbu kitob nusxalarini Turkiya va dunyoning turli nuqtalaridagi oʻzbek birodarlarimizga hadya qilmoqdamiz. Kelgusida bu ulugʻ shayxning boshqa asarlarini ham chop etishni rejalashtirganmiz.

Bunday ilmiy tadbirlar va madaniy aloqalar xalqlarimiz oʻrtasidagi azaliy doʻstlik va qardoshlik rishtalarini yanada mustahkamlashga xizmat qilishiga ishonaman.

(TAS-IX) HD da:
bukhari.uz/

Yaqinlaringizga ulashing!
️https://t.me/joinchat/QbkU7g8U6fc9nL35
🫥https://taplink.cc/bukhariuz