OʻZBEKISTONNING BOY TARIXI HAR BIR INSONNI HAYRATGA SOLADI

#Videolar #Intervyu

OʻZBEKISTONNING BOY TARIXI HAR BIR INSONNI HAYRATGA SOLADI

Dr. Nurlyana bint Muhammad Hasan – INTI Xalqaro universitetining Biznes va kommunikatsiyalar fakulteti doktori(Malayziya)

Men doktor Nurlyana bint Muhammad Hasan, Malayziyaning Kuala-Lumpur shahridanman.

Oʻzbekistonga birinchi kelishim. Bundan nihoyatda xursandman. Ushbu safarni uzoq kutgan edim, shu bois katta ishtiyoq bilan tayyorgarlik koʻrdim.

Oʻzbekiston juda goʻzal mamlakat ekan. Avval Qozogʻistonga borgan edim, bu yil esa ilk bor Oʻzbekistonga kelish nasib etdi. Ilmiy rahbarim soʻnggi olti yil davomida muntazam ravishda bu yerga kelib-ketadi, men esa ilk bor ushbu muborak diyorga qadam qoʻydim.

Oʻzbekiston zaminiga kelganim zahoti qalbimda oʻzgacha tuygʻularni his qildim. Bu hissiyot Malayziya yoki men borgan boshqa mamlakatlardagi taassurotlardan mutlaqo farq qiladi.

Menimcha, buning sababi ushbu muqaddas zaminning barakasi bilan bogʻliq. Bu yer islom tarixida ulkan iz qoldirgan buyuk allomalar yurti, ularning maqbaralari va boy islom tamadduni merosini oʻzida mujassam etgan muborak diyordir. Shu sababli bu yerga kelish, ana shu maʼnaviy muhitni his etish men uchun katta baxt.

Kecha Amir Temur haqidagi tarixiy maʼlumotlar va muzey eksponatlari bilan ilk bor yaqindan tanishdim. Bu menda katta taassurot qoldirdi.

Oʻzbekiston juda boy tarixiy qoʻlyozmalar va bebaho madaniy merosga ega. Ushbu xazinani chuqur oʻrganish, asrab-avaylash va kelajak avlodlarga yetkazish nihoyatda muhim vazifadir.

Kelgusida yana Oʻzbekistonga kelishni istayman.

(TAS-IX) HD da:
bukhari.uz/

Yaqinlaringizga ulashing!