IMOM BUXORIY ILMIY MEROSIDA RAHBARLIK VA MASʼULIYAT FALSAFASINI TADQIQ ETAYAPMAN

#Videolar #Intervyu

“IMOM BUXORIY ILMIY MEROSIDA RAHBARLIK VA MASʼULIYAT FALSAFASINI TADQIQ ETAYAPMAN”

Dr. Muhammad Favvoz MUHAMMAD YUSUF – Malayziya Islom ilmlari universiteti Qurʼon va sunnat tadqiqotlari fakulteti dekani oʻrinbosari

Imom Buxoriy xalqaro ilmiy-tadqiqot markazi bilan hamkorlikda Paygʻambar alayhissalom merosiga bagʻishlab tashkil qilingan 10-xalqaro konferensiyada Malayziya Islom ilmlari universiteti (USIM) nomidan ishtirok etayotganimizdan behad mamnunmiz. Oʻzbekistonning boy tarixiy va ilmiy merosini taʼriflashga til ojizlik qiladi. Markazingizning buyuk alloma asarlarini oʻrganish va targʻib etish borasidagi ishlari tahsinga loyiqdir.

Konferensiyadagi maʼruzamda «Sahihul Buxoriy»ning “Kitobul ahkom” – “Hukmlar kitobi” deb nomlangan qismi haqida soʻzladim. Nazarimda muallif bu yerda aniq aqidaviy nazariyadan koʻra, rahbarning masʼuliyatiga koʻproq eʼtibor beradi. Jumladan, Rasululloh sollallohu alayhi vasallamning “Har biringiz rahbarsiz va qoʻl ostingizdagilar uchun masʼulsiz” degan hadislaridan kelib chiqib, javobgarlik masalasini bosh planga chiqaradi.

Tahlil asosida toʻqqizta asosiy mavzuni ajratib koʻrsatdim. Ular itoat mavzui bilan boshlanib, maslahatchilar instituti, vorislik tamoyili (davlatchilikning uzluksizligi) va nihoyat, insonlarni tavba va Allohga qaytishga undash bilan yakunlanadi.

Shuningdek, maʼruzamda Malayziyadagi shofeiy mazhabi anʼanalarini Oʻzbekistondagi hanafiylik merosi bilan qiyosiy oʻrganish masalalariga toʻxtaldim.
Ilmiy hamkorlik ummatimiz va butun insoniyat uchun ulkan manfaat keltiradi, deb umid qilaman.

(TAS-IX) HD da:
bukhari.uz/

Yaqinlaringizga ulashing!