OʻZBEKISTON KITOBLARDA OʻQIGANIMIZDAN-DA BOYROQDIR

#bukhariuz #Videolar #Intervyu #Stipendiat

“OʻZBEKISTON KITOBLARDA OʻQIGANIMIZDAN-DA BOYROQDIR”

Usoma BOʻZKURT – Imom Buxoriy xalqaro stipendiya dasturi sovrindori, Dijla universiteti doktoranti (Turkiya)

Oʻzbekistonga ilmiy safarimiz ham qaridi.

Bu zamin, xususan, Samarqand va umuman Oʻzbekiston haqida ilgaridan muayyan tasavvurga ega edim. Kelganimda esa barchasini oʻz koʻzim bilan koʻrib, his etib, bilganlarimni oʻqigan manba va kitoblarimdan-da boyroq ekanini angladim.

Bu yerda Imom Buxoriy xalqaro ilmiy-tadqiqot markazi jamoasi, mahalliy aholi va yangi tanishlarimiz bizni xoʻp siylashdi. Barchasi uchun Markaz rahbariyati va bizdan oʻgitlarni ayamagan ustozlardan minnatdorman.
Oʻzbekistondagi izlanishlarim menda uchta muhim jihat boʻyicha yangicha anglash va mushohadani shakllantirdi.

1. Joʻgʻrofiy va madaniy anglash. Buxoro – irfon, Samarqand esa – ilm shahri sifatida shakllanganini bevosita joyida kuzatdik. Ajdodlarimizning tafakkuri va meʼmorlik obidalariga bitilgan hadislarning makon bilan uygʻunligi kishini lol qoldiradi. Samarqanddagi Imom Buxoriy markazidan tashqari, Imom Moturidiy va Buxorodagi Bahouddin Naqshband tadqiqot markazlarini ziyorat qildik. Ularning barchasi Turkiya bilan ilmiy hamkorlikka tayyor.

2. Ilmiy mushohada va isnod tizimi. «Sunani Dorimiy» muallifi Imom Dorimiy maqbarasini ziyorat qilish va hadis oʻqish asnosida kitoblardagi roviylar nisbalarining mintaqaviy mohiyatini teranroq angladim. Isnod zanjiridagi allomalar aynan shu zaminda yashab, ilm tarqatganini his etish manbashunos uchun beqiyos tajribadir.

3. Akademik hamkorlik ufqlari. Bu hudud Turkiya akademik muhiti uchun yangi va istiqbolli tadqiqot maydonidir. Bu yerdagi muassasalar qoʻshma loyihalar, xalqaro anjumanlar va tizimli tadqiqotlar uchun mukammal bazaga ega.

Xulosa qilib aytganda, ushbu stipendiya dasturidagi ishtirokim men uchun oʻta manfaatli boʻldi. Oʻzbekistonni yaqindan tanish, ayni paytda ilmiy tajribani oshirish uchun boshqa tadqiqotchilarni ham bu tabarruk zaminga taklif qilaman.

(TAS-IX) HD da:
bukhari.uz/

Yaqinlaringizga ulashing!