Galaktika qo’riqchilari 1

«Galaktika qo’riqchilari» (2014) filmi 1988-yilda kichik yoshdagi Piter Kvillning onasidan ayrilishi va koinot qaroqchilari tomonidan Yerdan o‘g’irlab ketilishi bilan boshlanadi. O’zini «Yulduzli Lord» deb ataydigan Piter ulg’aygach, koinot kezib xazinagarchilik bilan shug’ullana boshlaydi. Asosiy voqealar u kimsasiz Morag sayyorasidan sirli va juda qimmatbaho Sferani o‘g’irlab ketganida start oladi. Biroq u ushbu artefakt butun koinotni vayron qilishga qodir qudratga ega ekanligini hamda unga yovuz Ronan ham ko’z tikkanini hali bilmas edi. Aynan shu xazina ortidan quvish Kvillni kelajakdagi g’aroyib jamoasi bilan to’qnash kelishiga va sarguzashtlar boshlanishiga sabab bo’ladi.